【BB無便便】分享改善BB便秘　小黃豆奮鬥歷程大公開！

小黃豆終於足月喇??！唔好以為小黃豆人仔細細，但其實極為大食。因為奶水愈來愈少，加上要番工唔方便，而家小黃豆轉咗食奶粉，但就無諗到BB便秘問題會出現喺小黃豆身上。BB便便問題應該係媽媽最唔想遇到嘅top 3難題，但偏偏BB無便便嘅又係最常出現同發生，好似小黃豆咁，為咗改善佢BB便秘問題都展開咗一場便便大歷險！

其他媽媽都有過BB無便便經驗，聽佢地分享，轉食奶粉後因為要時間適應，所以BB無便便嘅情況會間唔中發生。不過小黃豆由起初每日有幾次便便，變到得一日一次、跟住就幾日一次，最誇張試過一星期先得嗰一次…… 便便嗰時仲要谷到紅到面晒，睇到佢咁辛苦，我真係勁心痛??！於是為咗小黃豆嘅健康著數，我狂問媽媽朋友關於BB便秘意見，拎sample又去問醫生，最尾先搞得掂。真心極感恩，亦都想將個歷程share比大家參考！

其實當時我發現小黃豆便便次數唔對路之後，已經好擔心佢會唔會有BB便秘問題?，於是嗱嗱臨影底佢啲片片同帶小黃豆去睇醫生，我同醫生嘅對話如下?

?‍♀️：醫生，係唔係有BB便秘問題呀？佢幾日先去一次?我有影底BB便便嘅相。

?‍⚕️：就咁睇落就有少少機會係BB便秘。其實BB便秘呢樣野，都要睇幾個方面嘅─首先BB便便會唔會變咗灰白色、紅色或者黑色，咁你BB無便便變色相對安全D，但見啲BB便便都有少少乾身，裂開哂一粒粒咁，唔算軟身，都有少少危。

?‍♀️：但我有成日比水佢飲喎，點解BB都係無便便？係咪補咗奶粉熱氣？

?‍⚕️：其實西醫就真係唔會講熱唔熱氣。不過BB唔消化啲奶入邊嘅蛋白質就有可能，同埋要睇睇你BB便便嗰時有冇話谷住谷住、臉又紅哂？佢幾日去一次，咁係3日定3日以上？因為每個BB嘅排便習慣都唔同，但如果一星期先有一次，咁真係有機會係BB便秘問題！

其實嗰刻我都feel到，如果小黃豆情況再無改善，都應該係BB便秘喇……後尾醫生有講番啲建議，雖然同網上嘅大同小異，不過都想share比大家睇，幫手改善一下BB便秘問題！方法就係要幫BB做吓簡單嘅Massage：餵完奶之後等半個鐘，搓㷫對手之後，用三隻手指圍住肚臍，以順時針方向喺佢個肚仔到輕輕打圈按摩，話有助刺激腸臟蠕動令BB便便喎?

但醫生都有提到我試下再谷人奶先，但我真係bump唔出。最後我問啲媽媽朋友，試吓轉飲其他牌子嘅奶粉，睇下會唔會改唔改善到BB便秘問題?

佢地total介紹咗4隻奶粉，嗰時好想一take過夾到，唔使再煩BB無便便問題，但最後都焗住試到第3隻先可以唔洗試?。

不過我覺得揀邊隻奶粉好多時都係要睇夾唔夾小朋友，而小黃豆BB無便便之前，我非常擔心，跟住夾到美素之後我都鬆咗口氣！宜家定時定候有便便，屙便便時又輕鬆得多！

宜家啲poo poo樣係咁